2013年9月3日 星期二

錶論序人生: 代友賣錶第二擊----兩隻TAG HEUER KIRIUM


 
論序人生: 代友賣錶第二擊----兩隻TAG HEUER KIRIUM (2012年5月20)
左圖: 女裝TAG HEUER KIRIUM                                                                                右圖: 男裝TAG HEUER KIRIUM       
(誠邀blog友訂閱入我的FACEBOOK個人專頁,得到更多二手錶資訊)
看本BLOG前,請先重溫我第一次代友賣錶的經驗http://www.dtwatches.com/20111118.htm
2011年3月尾,有朋友托我出售兩隻TAG HEUER,我見佢真係好想賣左兩隻家中多餘物資,應允了!
全程透過FACEBOOK及電郵交換MESSAGE及相片,過程可不簡單,要問相關物件的尺寸規格狀態等等資料
仲要商議應該賣幾多錢,我呢個朋友好無所謂,俾哂我作主
但我可不想如此,如果賣平了又或者有mug野不清楚,將來麻煩兼得失朋友,無謂之至
話得說清楚,先小人後君子,朋友更加要小心處理,因為係朋友!
最後,各樣野講好,包括我的報酬!嘩.....朋友都講錢?
係呀,世上可無免費午餐!朋友之間,錢銀更加要清晰透明!
於是我教佢從適當角度影相,佢就用iphone直接拍照及email給我,我就準備相關圖文網頁
iphone真係改變世界,我呢個朋友都算網絡白痴,在iphone的幫助下可以好快0甘將物件圖像化數碼化兼傳送過來
我開玩笑式同佢講:iphone makes an internet idiot digitally efficient!
 
如果大家有看我的另一blog文"二手錶個人網站的運作: 真實的一面,個人的經歷",
應該知道我當年早期用更加簡陋既方法去做網拍及網站,相比起今天的設備普及化及快速化,
我認為現在做網絡電貿及使用INTERNET去尋找機會,比以前更有效!
在香港,我經常聽到很多人抱怨現在的機會比以前少,
其實,機會仍然有很多,只是不可以用舊的一套去看待了!
又講番D老餅野,我相信我是香港的第一代上網人,我1996年開始上網,當是用既速度係56K,
仲要好貴,佔用一條電話線上網每分鐘要付費$1.68 Pnet fee!無錯,是每分鐘$1.68!!
56k有幾快,同而家2012年比較,咪即係開法拉利同行路既分別LAW,仲要當年係用INTEL 白金機,多數速度係100-200mhz 左右
設備簡陋都可以發揮得好,正如很多國內讀書尖子都來自苦學環境!
是說大家要用番d古物,而是說無論外部環境如何,有些基本是不會變的!
努力去學習努力去做,總有成效.
 
接下任務出售兩隻TG,0甘梗係要做下市調,我做市調主要都係用EBAY,亦有用其他網站
不枉我花費大量時間係互聯網,請注意,我不是用網絡去打機及一般娛樂!
我對使用網絡搜集資料及分析的能力相信比一般人高,呢個"叻"我會認!
我對EBAY整個網站的ROUTING及分佈都很熟識,
大家用同一個網站去做市調,我得出的有用市場資訊肯定比一般人多,呢個"叻"我都會認!原因很簡單,太熟識了!!
得到初步資訊,我就定出USD600-作為兩隻錶的開售價,如果有還價USD500-550就考慮出售
這定價是希望能以市場高價賣出,看能否成功
不過,事與願違,30天過了都賣唔出,在此期間,我不斷留意相類似型號的成交及在其他網站的發售價,對其市場價格有更進一步認知
幾日前再同錶主溝通反映狀況,佢都係比哂我作主,於是將開售價調整至USD438-,因為我預計USD380-400是可以賣出的
結果,再出EBAY拍賣,不出兩日有一個OFFER,是USD355-買隻女裝TG,有些少失望,不過距離不大,
問過錶主,佢都係比我作主!於是就接納,連同運費USD25-,美國買家願共付USD380-買此錶
 
凡事多走一步,思想正面一點
隻女裝就賣左勒,0甘隻男裝要繼續等待!幸好,腦袋沒有停下來,我查看買家個用戶名,好明顯係男人黎,
0甘我就諗可能佢會要埋隻男裝播!
至此,我稍微差開話題,點解我會這樣正面諗既?
如果我有這負面思想-------車...佢買得你隻女裝,梗係見過你隻男裝啦,佢要買都比埋OFFER隻男裝TG啦!
我無0甘樣負面去諗,只是覺得行多一步問下無妨,
於是同佢講隻男裝可以USD370-比佢,情人兩湊成一對,仲唔收額外運費,是否很吸引呢!
大家估下佢如何回覆我0Y------- 佢問我攞條LINK黎睇,估計佢真係唔係好知我仲有隻男裝TG同場加映呢
所以,凡事行多步,唔好用自己既幻想去限制你既行為!能否成功唔知,但有機會!
經過幾個電郵討論,解決了他的一些問題,佢USD370-要埋隻男裝TG!
 
市場學來說,以上經歷及做法是否得出一個理想的賣價,不作深究了!
個人相信,個價是低了一點,我認為合理價應該係 USD400--450-甚至500-,如果擺耐D斷估可以做到
但現在賣了,慳番好多時間,朋友亦不用再等!如果站在生意立場,錢回籠了可加快週轉
我可以肯定既,就是如果拎對錶去當舖,斷估可能每隻只得$500-(低價)至$1000-(高價)
如果拎去二手錶舖,可能每隻多$1000-1500-!
如果放係YAHOO香港拍賣又想賣$2800--3000既話要等待很久都未必能夠賣出
 
差不多是本BLOG文的結尾了,我從來寫BLOG都不是想耀!只是想分享二手錶買賣既過程及當中的個人觀感
就今次代友出售兩隻TG,個人以為上面兩段用紅色加大的文字,正好表達得著,以此同BLOG友們共免之!!
無論外部環境如何,有些基本是不會變的!努力去學習努力去做,總有成效.
 
所以,凡事行多步,唔好用自己既幻想去限制你既行為!能否成功唔知,但有機會!
(誠邀blog友訂閱入我的FACEBOOK個人專頁,得到更多二手錶資訊)