2013年9月13日 星期五

投資手錶有道----去歐洲旅行應否買一隻ROLEX回香港圖利?


投資手錶有道----去歐洲旅行應否買一隻ROLEX回香港圖利?
如果覺得好,請按FACEBOOK "LIKE" 或"讚好"
(誠邀blog友訂閱入我的FACEBOOK個人專頁,得到更多二手錶資訊)
(誠邀blog友加入我的FACEBOOK庫存錶待售)

經常有朋友問我,去歐洲旅行買隻ROLEX回香港放售能否圖利賺番張機票錢
我的答案是95%否定
同一問題亦曾有報章記者致電問我,可惜我的答案與他的預期有出入而不被報導
大部分人都以為得,你報導話唔得,那有讀者看
 
不能賺錢的原因:
1) 香港水貨集團非常成熟,旅客買既ROLEX無可能平得過佢地
2) 而家ROLEX環球定價基本一致,係歐洲專門店買既價錢基本上同香港差不多
3) 大部分旅客用港元信用卡係歐洲買,個折算匯率對消費者極不利!首先用港元轉美元,後再用美元轉歐元!一來一回可差上1-2%不等
 
我話95%否定,那餘下5%是肯定,那在甚麼情況下可以賺錢?
1) 買得到熱炒款式,而香港當時成交炒價係高於公價
例子: 近期例子是新款大橙針EXPLORER II (216570),初出時因供不應求而炒上$65000-68000,公價是$60500-,係歐洲用95折買得到回香港而又極速賣出先有利潤!但放售俾二手店要預番$2000-左右利潤俾店方!自行係YAHOO拍賣出售就賺深一些
不過,要考慮時間成本及個人人力付出!亦要注意炒價隨時回落,現在216570不炒了,而且係香港代理店大把現貨95折可用信用卡出售;再者水貨全新係香港現在約$50000-52000,係歐洲用95折買根本無可能賺錢,反而自己蝕埋人工!
0甘多年來,最最穩陣有機會賺錢既只有地通拿,但當經濟不好時,連地通拿亦未必有好結果
 
2) 用全現金買,慳番匯水上輸俾銀行既差價,從而減少成本,變相增加利潤或減低損失!又或者你自己有一張歐元信用卡,之後自己用歐元結脹!
不要小看信用卡匯率上的損失,個價可以差別很大,到你結單時就會驚訝個匯率係差到無麟!
 
3) 買時撞正歐元大跌,沽出時又撞正歐元大升
過去18個月,歐元低位約1.21,高位約1.33,現約1.31,這是國際牌價,你同銀行買就高一些!
0甘樣賺不如直接1.21買歐元1.31沽出,慳水慳力啦
 
4) 係歐洲買完之後撞正ROLEX加價
 
綜觀以上,去歐洲旅行想買隻ROLEX回香港圖利是不智之想法!
你賺得到既只係一份係專門豪花5-10萬刷卡時的虛榮,別無其他!
 
試想一下,人家興致勃勃要發財,遇上我以上的一番撥冷水言論,高興才怪,更遑論登上報導!!
奉勸一句,除非你真心自用,否則不要去歐洲旅行時買ROLEX黎炒!!
要買就只可買黑面地通拿或當時香港勁熱款式!
前者穩健,後者投機味濃!
重有,想圖利就必定用歐元全現金!
坦白說自用既話在香港買水貨全新ROLEX基本上係全世界最平!
 
FACEBOOK庫存錶待售 專頁