網上電貿好容易: 事在人為,加強推廣終於成功代友賣出ROLEX 女裝79174型


網上電貿好容易: 事在人為,加強推廣終於成功代友賣出ROLEX 女裝79174型
如果覺得好,請按FACEBOOK "LIKE" 或"讚好"
ROLEX 女裝79174型
(誠邀blog友訂閱入我的FACEBOOK個人專頁,得到更多二手錶資訊)
(誠邀blog友加入我的FACEBOOK庫存錶待售)


"DT 中古手錶入門圖鑑"
我編寫的關於中古手錶電子書請按上圖了解更多資料
一click下載PDF版本序言/目錄/第一章試閱: https://bit.ly/395iszG

ebook簡易快速學習玩賞vintage 舊裝ROLEX / OMEGA / TUDOR 手錶
免費試閱版本供下載:
一click下載序言/目錄/第一章試閱: https://bit.ly/395iszG
PDF版本50章1774頁近2000張高清圖片,傾力創作!
講解如何鑑賞高質素態勇佳品!
關於全書內容/網上詳情: https://bit.ly/3acZUO5


事在人為,努力一點總有回報!
做更多就更可能成功,不做就連"可能成功"都沒份兒!!
 
此錶是網友於2012年5月尾委託出售,搞左近四個月,終於昨日賣出!買家位於美國西雅圖
之前已有BLOG文介紹http://www.dtwatches.com/20121005.htm
 
由6月初至今,已多次放在EBAY, YAHOO香港及各大FORUM,但反映出奇冷淡!
原因之前BLOG文已講
亦可能是價錢出錯,起初以為可以輕易在HKD20000-24000之間出貨,可能有點過於樂觀
價錢由上一篇BLOG(即2012年10月5日)起,已大削$5000-至HK19000-,但ebay及yahoo近於無反應
甚至係私我FACEBOOK專頁以特價$18000-出訊息都無回應......真有點灰心
以我評估,此錶全套齊備兼狀態一流,理應是20K-22K的貨色
而我在EBAY的叫價亦遠比其他同類錶的價位低20%--30%.....
 
如果是我自己的存貨,我會慢慢再等及微調
不過,此錶是朋友所託,總得有點交待.......
之前是議定最低$20K(包含我的費用),於是我問過朋友,我自行減費用以低於$20K賣
 
5P的價錢得到調整,於是再檢視其他P
決定係PROMOTION上再做多些,除了在EBAY及YAHOO香港再出廣告,又在4大手錶FORUM討論區出資訊
(稍後我會出專文介紹手錶FORUM)
其實,之前已在手錶FORUM出過,就沒有查詢
係討論區出資訊的一大弊病就係條LINK好快會向下沉,時間愈久相應看到的人就愈少
要不斷隔幾日再重新上LINK,很是麻煩,對我這個懶惰人來說確是不利
所以,印象中過去4個月好似只為此錶出過一至兩次討論區資訊
 
另外,外國討論區不似EBAY,會員買賣係絕對無保障既,一定要係果個討論區有一定地位先有人信
自問真係甚少花時間係討論區,所以係各大討論區無MUG記錄
尚幸我不是全新會員,很多都是幾年前登記的
買家對全新會員出售的手錶有很大介心
 
針對自己的弱點,我思考著如何解決!
都說過網上銷售是絕對講誠信的,只要得到準買家信任就萬事好談,包括價錢亦可相應高些
有聽過我講"人類死亡3大原因s"既朋友應該知道
我一向認為做人一定要保有躍動的心及不斷思考的腦袋
即所謂既要有HEART!
有HEART又肯花時間思考既,總想得出辦法!加埋肯做付諸實踐,成果可期!!
 
如是者我不斷想著如何可以提升我在討論區的誠信度
當然,方案不會即時得出,但只要啟動了心及腦去思考,加上時間處理,人腦係好神奇既
此即所謂下意式思考,無論你閒著抑或睡著,下意式思考會幫你解決問題,找到方案
終有一刻得到中國人所講既領悟頓悟.....亦即老外所講既突然間腦袋亮燈!!
 
既然,我在EBAY已有一定記錄兼且歷史悠久(自1999年開始),何不將此加入討論區資訊內文
就係0甘,我係內文第一段第一句就不講出售標的物是幾正幾好
而是介紹自己是具有力証明的誠信賣家,我在開首大字標示如下:
"WORLDWIDE REFERENCE CAN BE PROVIDED to prove that
I am a GOOD record seller since 1999"
劈頭第一句就擊中準買家擔心受騙的心理!!準買家如有查問,我就提供EBAY記錄
準買家可以透過EBAY的資訊平台確認我的EBAY身份!!
心理障礙即可得到極大程度解決!!
 
有BLOG友可能覺得這樣平平無奇0Y!無錯,只是平淡的一招一式
請記住,絕對不需要驚天地泣鬼神的技巧去解決問題!
網上電貿就是如此簡單!
簡單到難以置信....不過,唔想著去解決就絕對想不出來
 
就係0甘,呢個HEADING就成為我的廣告資訊的標準第一段
 
好,講番出售此錶,我同一時間係EBAY及四大手錶FORUM討論區出資訊,
EBAY標售USD2650-,討論區標售USD2460-
EBAY貴些是因為費用問題!有些客人喜歡EBAY,因為有100%保障!甚至超出100%!!
 
過左半日,即有一封來自EBAY的積極查詢,與此差不多同一時間亦有透過WATCHNET(其中一個討論區)來的電郵問隻錶
我心想,一係無人問,一來就打孖......
細看之下,原來是同一個美國人.....
他是有心準備買錶的,所以係討論區尋找又同時係EBAY搵,格價兼尋找筍盤
我精佢都唔呆,佢自己已率先用雙重認証方法確認我的EBAY身份
這真是我意料之外!!
意外收獲是我同一時間亦可確認準買家的EBAY身份,可看到他的購買記錄
可看得出他是一名良好買家,節省花時間在與無聊人交談!!
 
看.....只要花時間思考及實行,成果可期
 
我同佢交換左幾個電郵就議定USD2420-包郵交易,買家直接匯款給我
當然是不經EBAY及PAYPAL先至有0甘平啦
請注意,我從來都絕對不會主動引誘EBAY來客脫離EBAY平台交易!!
這是誠信問題,你做出偏離誠信既事情,亦同時會招惹到一些偏離誠信的客人,後患無窮!!
 
看.....只要得到信任,真係有人會大拿拿先付款後收貨!!
 
錢已確認收妥!請注意,是真金白銀的錢,不是入款記錄!
好了,隻錶準備出發去西雅圖,成為買家老婆的聖誕禮物!!
全錶規格請看這裡 http://www.dtwatches.com/rolex791742036.htm
**********************************************
最後,重溫個人原創故事"人類死亡的3大原因s"作結:
人類死亡的3大原因:

有一日,一個人死了,他見到神,此人心有不忿,問神:點
解我會死亡?

神:人類死亡不外3個原因s.

人:甚麼?

神:第一,肺部停止呼吸!

人心想.......廢話!

神:我知你心中想梗MUG野!第二:心臟停止跳動!

人心想.......又是廢話!

神舉起第3隻手指說:第三,腦袋停止思考!

人按奈不住回說:不是腦幹死亡嗎?我經常唔思考,0甘我
咪死了好多次!點解今次才見到你?

神就不客氣說:只有第一種死亡既人才是壽元已盡!

人就試一試呼吸,他發現他可以呼吸,得意洋洋指責神說:
我還有呼吸,即是未死啦!

神:讓我查一查生死薄!

過了片刻,神說:

"呀!搞錯了,你做人無HEART!又不用腦袋思考!在
人間應過得比死更難受.........

唔.....你應該仲有好幾拾年在人間受苦受難!!回去
罷!!"


(以上原創故事載於2012年3月25日BLOG文)
錶友們,用心生活,用腦思考,好好的為個人的時間作舖排,
加添動力及意思予個人計時器!

不要放棄自己!!

FACEBOOK庫存錶待售 專頁

留言

這個網誌中的熱門文章

6694絕對是玩古錶的入門之選,亦都可以是終極之選!

如何選擇二手錶入門講座: 發掘可增值的二手錶----花痕多的Rolex Daytona 116520 (續篇)

以特價從ebay買到一隻勁正Rolex 1601