2013年9月12日 星期四

兌現承諾: 我的銀泉第一blog


兌現承諾: 我的銀泉第一blog
如果覺得好,請按FACEBOOK "LIKE" 或"讚好"
1871年日本50錢菊花龍銀 NGC AU55評級 2001年中國熊貓銀泉 NGC MS68評級
                                                                 2012年的生日禮物
(誠邀blog友訂閱入我的FACEBOOK個人專頁,得到更多二手錶資訊)
(誠邀blog友加入我的FACEBOOK庫存錶待售)

我有一個手錶BLOG名為二手錶入門CLUB!寫了幾年
今年(2012年)生日承諾要開網球blog及銀泉blog,前者已發表網球與我blog
後者,今天2012年8月17日兌現
即寫即想名字,第一時間想到一個blog名,即時自己都忍不住大笑出來------我的銀泉路
就這樣命名啦!!
 
我成為銀甲虫及銀泉迷買入白銀及銀泉的原因
金融海嘯後,金銀價大升,吸引我的注意!
大約是2011年初時網上接觸到金銀甲虫的blog,開始大量閱讀有關資料及blog文
之前已看過宋鸿兵"貨幣戰爭",加上網上資訊,認同有需要將部分資產轉成實物對抗金融海賊
另一方面,看過一個投資blog,blog主間唔中加入古銀泉的資訊及圖像,看後就喜歡了
就係0甘,我開始買入實物銀及銀泉!!
 
買實銀非常簡單,只是用市場價同可靠店鋪買就得!同係金舖買實金無分別!
買銀泉倒有點像郵票,種類繁多,價格同年份品相存世量掛鉤,幾複雜架,仲要假貨充斥市場tim
由零開始,想學下玩又唔識,如何?
咪學law0甘簡單!!
只要識字及能上網,3個月時間已足夠成為某一特定收藏項目的入門club參與者
對不起,講3個月有點不正確,俾3個月學習但累計只花0小時是無可能的
正確點應講學習100小時!
在網上搜習相關資訊,閱讀分析及記錄,100小時應足夠具備相當能力去買賣基本銀泉
不單是銀泉知識,各種各樣的知識都能用100小時透過網上學習得到基本掌握
 
為甚麼是100小時或3個月呢!
每日3小時,3個月咪100小時law......(又要俾人話)
邊可能每日3小時呀.....傻架.......0甘我又問,你或身邊朋友又每日花多少時間上fb,打games,看無youtube片
時間係分配出黎,人人都係24小時一天
你對某事情有興趣,0甘就會花時間在上面-----講完
當然,每日硬性3小時又幾麻煩計算,總之你有興趣就莫講100小時,500小時你都會用
0甘又為甚麼3個月?單純個人亂寫.....你有多熱愛某種事物方才是決定時間長短的重要因素
如果真係工作學業事忙,0甘咪拉長些時間law....4個月5個月6個月都得架,看個人需要遮
 
就係0甘,當我具備一定知識後就開始買入,主要渠道是網絡,ebay及yahoo hk 是我的主戰場
都有去過實體店鋪,但總是要面對店主咀臉,到最後索性絕跡實體店鋪
 
我都唔記得邊一隻係我第一隻買入既銀泉,番看資料,最早有記錄買入的時間是2011年6月買入
那應該是:
1890-2008年光緒庫平1錢44,評級PCG Genuine
這是從ebay向一名星架波買家買
你識分真假咩?你知價咩?你知道賣家實寄俾你?你唔怕網上張信用卡資料被黑客偷用嗎?
老實講我點會唔怕俾人呃呀,我都係正常人黎架,雖然睇開看個blog既都可能覺得我異於常人
但重申一點,我都有恐懼架
又係銀泉路上金句:
恐懼是人生最大障礙!用知識及審慎行動去明白恐懼克服恐懼方是上上之策!!
我幾個月的學習及市場觀察可不是徒勞無功,再加上我0甘多年網上電貿既經驗
不是說不會損失,但機率風險已降至很低,亦降至個人絕對可承擔TOTAL LOSS的風險範圍,怕甚麼???
 
隻銀泉很快到達家門!我玩左幾日即放上YAHOO HK拍賣,一蚊起BID!
我講過香港網拍絕大部分是互相議價平台,但錢幣拍賣倒真係做得到一蚊起自由競拍,仲好多係郵寄交收TIM,真係奇蹟!
結果4個競價者出價10次成交!
自由一蚊競拍結果有時令人失望,有時又令人喜出望外------呢個DEAL純利幾率可觀架!
看.....係花時間去克服困難是有回報的,發著呆看著別人賺錢無用架!
只是想著賺錢又唔行動付出係無用架!
二手錶入門CLUB金句:
為搵錢而搵錢係搵唔到錢既,將一件事情做好,錢自然會搵你!市場會付你溢價!
 
我玩二手錶多年了,今次以全新手無知級開始進入收藏銀泉之旅,正正是重複當年行過之路
當然,今次是有經驗點了,該吃少一些虧!
這個銀泉BLOG正好再一次記錄個人開展一個新興趣的經歷
將二手錶入門CLUB既理念重現在銀泉收集的過程當中,即是:

銀泉收集及買賣的樂趣!以 泉交友;養志;生財...

個人絕對以興趣先行,賺錢只是副作用!
 
好,各位同好中人既泉友,大家一同享受我的銀泉路既沿途風光!!
 
註:由於"幣"字讀音同"不得了及麻煩",所以一般以"泉"字代"幣"!至於何解用"泉"字我就唔知....知既通知聲.....THX
 
我的二手錶入門CLUB錶BLOG
我在YAHOO香港出售中二手錶,有興趣可看看!
我的網球BLOG
我的銀泉路BLOG
(誠邀blog友訂閱入我的FACEBOOK個人專頁,得到更多二手錶資訊)
(誠邀blog友加入我的FACEBOOK庫存錶待售)