2013年9月12日 星期四

網上電貿好容易: 接通世界,第一單澳門交易 (購入金錢不涉賭博錢)


網上電貿好容易: 接通世界,第一單澳門交易 (購入金錢不涉賭博錢)
如果覺得好,請按FACEBOOK "LIKE" 或"讚好"
OMEGA SEAMASTER 大裝42MM電子錶
(誠邀blog友訂閱入我的FACEBOOK個人專頁,得到更多二手錶資訊)
(誠邀blog友加入我的FACEBOOK庫存錶待售)

堅持重複做正確既事情,成功是預期之內!
早前 已講過,我的網絡基建4頭馬車策略是可行的,今次就為我帶來一段澳門錶緣
同一樣的方程式,一位澳門錶友透過BLOG找到這裡,再轉往FACEBOOK成為我的FACEBOOK庫存錶待售 既成員
最终又ADD埋我做FB朋友
之後看到FACEBOOK庫存錶待售 的推廣資訊,訂下這只OMEGA SEAMASTER 大裝42MM電子錶

早已 講過二手錶中,OMEGA的行情相對ROLEX是稍遜的,再加上是電子錶,行情就更窄小
如此一隻大裝42MM潛水錶,雖然係電子錶,我個人認為定價HKD10000-應是合理
無奈,市場不接受,放左係YAHOO HK網拍好耐都無人問,不斷落價都不成功
 
番看記錄,此錶2012年2月29日入門,開初以為兩個月左右就沽出,結果玩左半年
都好,我大部分錶都是機械錶,有一兩隻電子錶是很方便的,有時候懶得調較時間
一拎起隻電子錶就即時出得門口,很是方便呢
 
今次,透過FACEBOOK做成,完全不經網拍
2012年9月1日,個錶友來香港交收了,仲同佢傾左約半小時,了解多些他,對他的喜好加深一層
這很重要,了解對方先可以提供更佳解決方案
我經常說,鬥價錢是無意思的,如果價錢就是一切,0甘實體二手錶店肯定聽執粒
 
同場有兩件趣事:
1) 我話打開個錶蓋俾佢睇,佢話唔使!
理由係:你寫0甘多野,又0甘有心機做BLOG,點會呃人?
我聽了就隨他意向,反正交談以來,都覺得佢係正派人士,斷唔係番轉頭屈人賣假屈錢之人
看官們可能話:人家信你,你竟然懷疑人家可能呃你?太不良心了
我由始至終都係果句:不可呃人害人,但必須自保!
人家講MUG信MUG就真是太天真了!
所以,我一向堅持交收時進行全錶檢測,俾人睇哂全錶各個方位及應要注意及已講過的瑕疵
當然,經過理智分析及風險控制之下,有時候例外,今次正是!!
 
2) 我近期入左CASIO的GA120B黑紅 G-SHOCK
 
已經講過孖劇亭既所謂4P1C
價格上肯定無敵,今次仲趁交收之便拎出黎俾埋佢睇
佢都奇怪點解我預知佢會鐘意,原來佢係國內旅行時已見過國內標價
我說CASIO G-SHOCK是大路錶,大部分人都喜歡作日常配戴之用
今之利用Place既方便,等於將佢既交易成本包括shopping時間,交收麻煩等壓縮至零
順理成章,又走一隻俾佢law
做一些方便對方的事情永遠有益,只想著賣野是不可以的,反正帶多隻錶的成本近於零,WHY NOT!!
所以,係孖劇亭既4P之外,我除了加1C,又加1P----就係Predication 預測
預測主要是預估對方心意,做甚麼先可以提供更具成本效益及方便快捷既解決方案!!
 
交收後,方知道我做得不足,原來他都鐘意隻黃色大黃蜂G-SHOCK
 
回家後,他留言FB問隻黃色大黃蜂G-SHOCK,猛然醒覺不足之處,如果拎埋去,又可以走埋!兼方便他即時擁有!!
現在,他已回澳門,我又要諗配送及交收款項之事
眾所週知,上一篇BLOG文就係講配送香港及澳門便利店,正正是因此事而想出來
仲有一個就係收款問題,而家諗梗辦法係澳門開個戶口收錢
*****************************
 
很是高興認識這位不從事博彩業的澳門人!這次交易的金錢一點都沾不上賭博!
講真,我個人雖然都細量賭錢,但不喜歡賭之為害,賭搏真係害死好多無知白痴人士傾家蕩產
所以,個人的股票投資組合中絕對沒有直接澳門賭業股,當日金沙澳搏上市亦沒有參與!!
 
在此,真心同讀者們講一句:千奇萬奇億奇唔好沉迷賭博!如果你係一個自制能力差既人,更加要謝絕,唔好小賭!!
 
大家知唔知金錢是甚麼?
這真是一個白痴問題.........不過,好多更白痴既人完全唔知何謂金錢!!
金錢的真正意義就係個人的勞動力所得
試想下輸了一萬,如果月入一萬就輸掉一個月的勞動力;輸十二萬就一年不食不吃幫別人打工
最慘衰係貴利手上又或者有牌財仔公司手上..........40厘50厘100厘APR真係吸血鬼,一世不食不吃都還唔清
又係果句,唔知道咩野係APR既真係唔好賭,仲唔好同有力及/或有牌人士借錢
 
叉開太遠了,不過真係好想錶友們又或者路過人士明白賭之為害!
CHUM氣都要再講,仲要又一次分享我的創作貴利油詩:
借錢真心話幫你 稱是同路幫幫手

我幫你時你幫我 要你一世苦操勞

信我是你好弟兄 只我義字肯幫你

弟兄哥們要吃飯 我地一世靠哂你

唔好諗住唔還錢 總有辦法搞死你

你落陰間就唔追 夠膽吊頸找死去

 
今日的BLOG不同大家分享錶相了,請大家再細讀我的油詩!歡迎大家轉載,賭海多劫難,救得一個得一個!
有時候救一個賭仔賭女就可以救全家!!