2013年9月2日 星期一

香港的網拍生態: 創新網上手錶交易


香港的網拍生態: 創新網上手錶交易
2012/01/14
(誠邀blog友訂閱入我的FACEBOOK個人專頁,得到更多二手錶資訊)
(誠邀blog友加入我的FACEBOOK庫存錶待售)
(誠邀blog友加入我的FACEBOOK 二手錶入門CLUB)
長久以來,香港本地網拍手錶絕絕大部分都係互相議價相約當面交收!
無他既,驚俾人欺騙,我作為消費者都有呢個心態!
又或者看實物時同自己看相片既想法不同.
是故本人既網拍都列出多張相及多角度 ,仲有一大堆描述文字........
希望有意者自己留心所有圖片及明白
我1999年起在ebay賣錶,那兒瀏覽率高參與競投人士多,可拍出好價
香港就相反了,所以真正一元起拍甚至自由競拍是相當罕見
 
在美國ebay,真係幾千至過萬美元的商品都係自由網拍賣出,究其原因:
1) ebay好嚴謹,假貨A貨很快會被剔除;反觀YAHOO香港,一街都是A貨!至於淘寶,更加是A貨天下!
    當然,買家素質亦助長假貨!我看過記錄,真係有人用2千至3千買A貨,仲公然互相好評!無奈!!
2) ebay很是保護買家的,甚至去到我作為賣家都有點怕怕的地步!
    不是我心虛賣假或失實,是很多ebay買家倒過來要脅負評賣家搵著數,甚至虛構索取利益!!
3) 香港地方細,相約出來面交容易
4) 香港買家得到的保障相對少,雖然法規已完善,但真係郵購了假貨,追討都幾麻煩惱
5) ebay真係不斷自我改良,不論買家賣家,ebay的使用介面愈來愈方便,很user friendly!!
 
不過,又得說點公平話,正正是因為YAHOO HK不落本改善,其費用亦相當便宜!
ebay的費用對於賣家來說是一大成本比率!!
 
要列舉理由,可以再找10多個或以上!
 
我作為賣家,真係好怕麻煩,成日要相約面交!所以,交收都是約在我出外打網球的前面或後面的時間!
地點亦在我打網球的附近,順路交收無所謂!有時遇到一些交收時先扭計或反悔的無成交,當交個錶友算了!
 
我時常思考,這有可能改變嗎?發掘原因藉口容易,提供解決方案方難能可貴!
如果我做得到,應該可以開創出一個新市場!避開YAHOO現在只鬥平的競爭對手,尋找個人空間
 
於是,我想出了以下方案:
1) 特別選取一些2-5千手錶,專攻本地郵購市場!
    因價錢相對低,買家的風險亦相對低,就算買家TOTAL LOSS都不是大錢!
    當然,俾人搵笨欺騙係不愉快事件!但銀碼低一點,相信有一定人數會嘗試!
2) 以一貫手法,提供多張特大頭微距相片,多角度將手錶的真實面展示在準買家眼前.
    一般來講,10張相總少不了!有時候更去到20多張相.
    目的只有一個:彰顯優點,亦不掩飾瑕疵!
3) 用簡單文字詳列手錶所有自己知道的資料!遇到一些要特別注意的瑕疵,我甚至主動講出,驚死買家自己睇唔到!
4) 克盡己力,做一個負責任的賣家!爭取買家信任!在香港,我2004年開始在YAHOO HK業餘玩票做!至今都積累了57個好評,記錄良好!只有一個負評,因為遇上一個網上無聊傻佬!
 
實際行動:
我選了4隻錶,已列在YAHOO HK及 DICSUSS HK 的交易區!
好....看錶:
 
第一擊: 只供郵購!! 1970's OMEGA 星座音叉錶!已SERVICE!絕對70年代懷舊FEEL!!
 
第二撃:只供郵購!!1950年代 GRUEN高露雲全鋼自動錶,全原裝,靚面,多相,狀態GOOD FIT!!
 
第三撃: 只供郵購!!1950年代 14K包金GRUEN高露雲全鋼自動錶,全原裝,原裝面,多相,狀態GOOD FIT!!
 
第四撃: 只供郵購!第四擊! BULOVA 寶露華 1976年踱金星期日曆ACCUTRON音叉錶!!
 
看本地消費者會否受落!享受下網上CLICK幾下就貨到家門既樂趣及方便!
省卻自己四處走動及發掘既時間及精力!
 
最新進展: 2012年1月14日11:40AM
第一撃已經放上網約7日,YHAOO度有152人次看過,2個人加入追蹤!兩邊都無人問問題!
第二撃已經放上網約3日,YHAOO度有27人次看過,1個人加入追蹤!兩邊都無人問問題!
第三撃已經放上網約3日,YHAOO度有29人次看過,無人加入追蹤!兩邊都無人問問題!
第四撃已經放上網約2日,YHAOO度有24人次看過,1個人加入追蹤!YAHOO果邊無人問問題,DISCUSS果邊出現了一個準買家,現在等待轉賬付款!
 
錶論序人生:
找原因找藉口容易,找出解決方案甚至創新解決方案方有價值!
我不期望所有手錶能成交!正如之前已講過,成功係需要堅持的!
 
(誠邀blog友訂閱入我的FACEBOOK個人專頁,得到更多二手錶資訊)
(誠邀blog友加入我的FACEBOOK庫存錶待售)
(誠邀blog友加入我的FACEBOOK 二手錶入門CLUB)