2013年9月12日 星期四

選擇二手錶入門講座: 3隻好玩的TUDOR番寫跑車面


擇二手錶入門講座: 3隻好玩的TUDOR番寫跑車面
如果覺得好,請按FACEBOOK "LIKE" 或"讚好"
                                                                                                  (相片屬上手錶主,已獲准使用)
(誠邀blog友訂閱入我的FACEBOOK個人專頁,得到更多二手錶資訊)
(誠邀blog友加入我的FACEBOOK庫存錶待售)

我一早已經講過,個人絕不抗拒番寫面!
只要做得有心思及手工精美,都會考慮買入
剛剛又買左三隻TUDOR舊裝蠔式自動錶,全部都係番寫面,由一位錶友自行設計
完全合乎我的兩個基本要求! 我一看就鍾意了,於是三隻一口氣拿下


上一篇blog剛說個要學習將電子相薄做得美觀,大家試下click上面 的文字連結,看看初步成果!!
雖然取巧了一點,但是效果絕佳!終有一天,我的個人網站就會展現如sky drive所列出的電子相薄效果
製作金錢成本是零!!!
 
我已不是第一次同這錶友買番寫錶了
第一次交易是2007年在yahoo香港買一只OMEGA 中裝SEAMASTER 潛水錶 (這只沒有番寫)
2011年11月在ebay看見一隻很美的Omega手繪錶,原來又係佢
果隻Omega手繪錶真係很美,就是OMEGA DEVILLE! 雙鶴青松桃花遊!!

我更為此錶寫blog文作詩及領悟到上善如水的道理,有興趣可參考http://www.dtwatches.com/20111120.htm
事隔4年,同這個錶友真係好好傾,佢可算是錶中鬼才,姑且暫稱佢作"錶怪",有機會我會出blog文專門介紹佢
 
講番今次3隻TUDOR番寫跑車錶,又係出自錶怪
整體平衡配色配錶帶都是一絕,至於手工,亦是一流
不過,造工不是出自錶怪,是外判出去做的
唔講大家唔知,台灣及越南係番寫面工藝上是首屈一指!此3錶面出自越南加工
 
玩番寫錶就如同玩改裝車,是玩獨特玩設計及玩品味的
基本上機芯及錶殼是不改的,原則上全錶仍是真品!
不過,就未必能夠通過官方認證,情況就等如近年喜歡將ROLEX運動錶塗上PVD黑色外層
 
價錢上,絕對要付出溢價
這3隻錶都入於74000型一類,原裝無改過的現在齋錶頭約$3000-4000,視狀態而定
改錶者將全錶番新抹油及重新塗改錶面,所有工序都花時間及金錢
是故成本計埋去就要高一點價錢
由於改裝面是SELL設計品味及手工,各有喜好,喜歡者就自會掏出腰間錢
不喜歡者就覺得一文不值
情況就好似我對上一隻OMEGA DEVILLE 雙鶴青松桃花遊!
我不知幾喜歡,不過放左係網到,一直只是有人讚美!但甚少人查詢購買
足足等了4個月方才等到知音人付鈔!
我亦不介意,反正這4個月我能不斷玩賞,就算賣不出,亦極樂意收藏.久不久拿出來把玩,賞心樂事!!
 
玩錶,我絕對是率性而行,不會隨波逐流,人玩MUG你玩MUG有啥意思!
一種個人興趣絕對要配合個人喜好,係玩既過程中,個人更能發現及更能了解自己
是故我常常說玩錶對我來說絕對是一種藝術行為
藝術之所以是藝術,因其能透過媒介引發及刺激思考,從而提升人文面貌!!
不跟從個人喜好,只懂跟風逐流,不要說個人興趣,就連基本日常生活都來得絕不愜意!!
 
FACEBOOK庫存錶待售 專頁