二手錶個人網站的運作: 真實的一面,個人的經歷
對於一個根本唔做網絡廣告既網站來說,算是成功了!
我亦透過網站成功做過deals,購買的全是新客!本文不是教人如何經營網站,所謂web marketing,專家大有人在!只要肯學,網上及書本已有大把tips!
對我來說,我希望本文能總結一些個人實戰經驗,讓有意經營網絡零售的朋友得到一些另類體會!一般大家已知的web marketing 我唔講勒,講一些大家都知既事情完全無意義!!
個人總結如下:1) 事事親力親為,以最少成本做好!
整個網由我一手做!以前邊有cut andpaste 或 WYSWYG 既 program0甘方便,我開始時都係在網上找資料,自己自學html語言!點解一click個hyperlink可以去到其他版面,原來加個"href=http://xxxxx" 就ok! 點解一click 連結可以幫人send email 及在email 的 subject 項加到字,原來個html係 mailto:+電郵地址+"?"+subject=xxxxx ......凡此種種都係一腳踢自己搞掂!
影相咩,都係自己黎.以前菲林時代微距玩意係勁貴既野!好在進入數碼時代,已經好平!我第一部數碼機係約2002年買既!當時一心一意要選市場上微距最勁既,所以選擇了casio的UX2900!290萬象素,約3000元,微距最短距離係1cm,係當時既"微距王"....到今時今日,呢個距離基本上都係最勁既!
我自己係家中用幾張白卡紙及鏡子係書檯搭個小棚做補光!開始時用普通坐檯光管燈,發現鏡頭下燈源閃閃下好難對焦,靈機一動改用當時新出的不閃爍光管再加一塊偏光鏡又搞掂!!所有影相知識都係以前係圖書館借書看學習的!到現在,我的拍攝工具係完全無變,係呢到分享幾幅最早期作品,
2) 想做就做,唔使萬事俱備
網上開舖,人人都得,成本極低,又唔怕做錯,錯了只花掉自己時間,又不需賠大本!我的網站最早期寄付係d免費site,完全唔使hosting fee!個domainname仲要水蛇春0甘長!同期有個朋友又話想搞網店,同佢閒聊,佢話花左d錢上堂,又質疑我的方法!佢有一大套理論,仲有幾部手提電腦,我俾當時個site佢睇,俾佢彈到一亳不值,又話唔夠flash,又無shopping cart,又無chat room forum.....總之水皮!結果,今天他的網店比我的網店更虛幻,因為根本未出現過!
我知自己個site好簡陋,其實只係一個網上目錄,又如何!咪又俾我搵到生意!大約去到2007年我先搬到pay hostage 現址www.dtwatches.com . 每年無限hostinglimit,又唔計流量收費!一個fee搞好哂domain registration 及 hosting!抵到極!網上既好處係可以俾您犯錯!!犯錯後可以無咩大後果,又可以從中再學習,所以,我給想做網店的朋友既贈言係:起步吧,勇往直前啦!!
3) 專注您的產品及/或服務做好您既專長,在我方面來講就係搵d好錶!而我則更專注係幾款錶上,就係ROLEX 6694, 1601,1500; Tudor 潛水錶及oyster錶; 仲有一些omega及少量雜錶!
講您知,如果您係goggle搜尋"Rolex 6694",我的blog文及website會排係前列位置!唔信試下CLICK!4) Marketing
Web marketing 有好多種方法,我就從來未試過付款做廣告!只係做過d free banner exchange, 搜尋器登錄 及newsletter! 以前都有係ebay做網拍,但係ebay的費用真係太貴了,我已經好多年無係上面賣野,反而買野就多左!近年我就用blog, facebook及 goggle adsense, 效果都幾好!0甘多年來,間唔中都有網友send電郵來要收取我的newsletter! 至今都有約200多個,以一個passive manage 既site來講算是ok啦!講一件真事俾大家知,0甘多年來,我懶到未出過一份newsletter!!!真的!!我真係無mug利用呢種 admitted marketing!如果我肯出newsletter去同潛在客戶溝通,生意及mail list又點會0甘少0Y!!
其實,只要maintain 個site 無 deadlink, 互聯網搜尋器係有記憶既,一點一滴累積,自然有feed俾您!堅持做啦.總有回報既!
結論: 以上只係我的個人經驗,當然有不足之處!只要肯做,網上提供既機會係幾時都可以隨手可得!今日,2011年5月18日.
我終於對我的網站www.dtwatches.com
做了些少更新!這是第一步!
1) 要1個月之內將手頭上的存貨全部上網
2) 開設一個新部門,將我的另一收集項目----筆放上網3) 多出newsletter同我的subscribers溝通,做多d交易!當然係賺點錢啦!
如果,您有興趣收到我的newsletter,請click訂閱!最後,當然送上兩款好錶的相同大家分享!無錯,又係Rolex 6694同 Tudor Mini-SUB 73190 (see,
0甘樣做,當您在網上search 呢d字既時候,我的web marketing 就會發揮一點力量!!!)
 |
|
留言
張貼留言